الموضوع: شعر عن الخيانة
عرض مشاركة واحدة
  #1  
قديم 2012-03-20, 01:28 AM
ايمن ابن الصالحية ايمن ابن الصالحية غير متواجد حالياً
:: سائح جديد ::
 



شعر عن الخيانة

الخيانه ملكت كل روحك وحالاك
بحبل غدرك انشد كلبك وحلاك
لون رب العرش نزل وحي لك
ماردلك ابد يالخنت بيه



كلبي موملك لحد سوالك
تجرحه ليش وتعذبه سوالك
عليه ماتجي وتسال سؤالك
عالواشي القره براسك عليه


الف وسفه ياايدي اعليه خطيتي
وحسافه بدربه يجدامي خطيتي
طعني بضهري الغادر و خطيتي
وشام بركبته يضل للمنيه


وحك سورة الم نشرح وياسين
يسن سيفه الزمن بيه وياسن
ارماحك بالضهر دجت وياسن
جبدي وكلبي مكصدها الاذيه




لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه



لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه



لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟



لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه




لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه



وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه


يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه



سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه



اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه



يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه



كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه



رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه



صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه



لتصدك اني بيوم انساك ولتصدك ياهو الكال بعتك
لان حبك نبض ويدك علية الباب وصرخ كلبي على
دكتة وكال احبك شلون ابتعد عنك واحنة فد روح
ونص الروح يمي ونص يمك

تــحــيــاتــــي


التوقيع

@ايـــــــــــــــــمـــــــــــن ابــــــــــــن الـــــــــــصــــــالــــحــــــيـــــــــة الـــــــــعــــــــراقـــــــي @