عرض مشاركة واحدة
  #137  
قديم 2011-12-09, 04:58 AM
هديل الروح هديل الروح غير متواجد حالياً
:: سائح جديد ::
 



رد: اللهم اني بريء مما تعملون - يكفي تخريب عقول اطفالنا

السلام عليكم ورحمة الله وبركاته
بسم الله الرحمن الرحيم
بالبداية ما احب اتكلم فصحة لان احنة عراقين ودنتحاور سوى راح اتكلم عامية وبكل طبيبعة
شفت الموضوع الي صار من قبل الاخ ابو غدير والردود والمناقشات الي صارت من الاخوان بالمنتدى
ليش كل الي ردو كان الهم عداء ضد ابو غدير قبل مايكون الهم حوار ومناقشة يعني اول شي فكروا بي اصحاب الردود انو يردون ابو غدير مافكروا يناقشوا كل واحد رد اني اقدر رده بس انت اذا تشوف المقابل خطأ ليش ماتحاول تفهمة وتحاوره بشي منطقي حتى بالنتيجة تتوصل وياه لحل يا ما انت صح او هوه وهذا الشي الي بادر بي او غدير اتهموا بالطائفية واتهموا بالعنصرية وموضوعة يسبب تجريح زين وين الغيرة على الدين ؟ الي وصانا بيها الرسول اني اشوف بكل منطقية اذا كان ابو غدير طائفي ليش ما كان يفضل السب والشتم وماكان يسوي موضوع بالهطريقة بس هالشي من غيرتة على الدين وبعدين كل واحد اجة كتب رد سوة نفسة عالم بالدين وكل واحد كتب رد سوة نفسة هو وبس والناس كلهم ظالمين طائفين عنصرين حقودين اخواني الطيبين خل نحجي بكل صراحة وجدية ترى والله الي بي ذرة من الاحساس هو الي يعرف يحاور الناس ويعرف شنو الي اله وشنو الي عليه وبس انت عندك عقيدة وغيرك كاعد يلعب اني مالي علاقة بابو غدير او باي احد بالمنتدى بس الي علاقة بالدين مثل ما هو يهمك ويهمني ويهم كل واحد مسلم الموضوع دخل بي صدام ودخلت بي امور هوايه اقسم بالله العظيم اني ابوية من طائفة شكل وامي من طائفة شكل واني مو دفاعا عن صدام اني بصراحة صدام ماقدملي اي شي وكان قاسي بتعاملة وية شعبة بس الحق ينذكر ما شفت اذية من صدام لا على عمامي ولا على خوالي وبنفس الوكت مافاد لا عمامي ولا خوالي يكفي بس يكفي جنه مأمنين على عوائلنا و بعد صدام غنت البرتقالة وصارت حرية بس حرية بشنو بالقتل والدمار وصدام اله رب يحاسبة مو اني وانت نحاسب صدام وصفحتة انطوت وراحت وعراقنا صار ذكريات
نرجع لموضوعنا الاساسي
ليش الي يطبر على الحسين يحب الحسين ؟؟
وليش الحسين ممتلكات خاصة حتى يصير لفئة معينة ؟
ليش انتو تدعون حب الحسين ومن واحد يكول فلان شي غلط ماله وجود يصير مايحب الحسين
هو انت منو حتى تقيس حب الحسين بداخل قلب الانسان
والحسين منو ؟ مو حفيد نبيك الي انت اصلا ناسي
ونبيك منو مو رسول ربك الي انت اصلا ناسي
اني ما اتهم واحد بثباتة على الايمان بس احب اكول لكل انسان يملك عقل
الي ربنا وهبلنا عقول حتى نفكر بيها مو بس مجرد نتبع المرجع الفلاني والفلاني
اني احب الحسين اكثر منك بس ما اطبر ولا اروح حسينيات ولا مواكب ولا اسوي اي شي غير الصلاة والقران والصيام والدعاء
الحسين الي انت تحبه حفيد نبيك الي تحبه وغيرتك عليه جبيره انت فكرت تقلده؟
الحسين جان يطلم ويطبر ؟
النبي جان يطلم ويطبر ؟
ليش تدعون حب ال البيت وغيركم لا وانتو اصلا ماتقلدوهم وين الصبر على المصيبة الي وصونا بي
اذا ويه القدوة مانطبق هذي الاحكام وين نطبقها
وين كلام الله واستعينوا بالصبر والصلاة
وتكولون الحسين مظلوم ؟
الحسين سيد شباب اهل الجنة غصب عني وعنك
الحسين شهيد
ولاتحسبن الذين قتلوا في سبيل الله امواتا بل احياء عند ربهم يرزقون
وانتو تكولون الحسين مظلوم يا اخي الطموا على انفسكم الحسين بالجنة
عبد ربه ورضا ان يقدم روحة في سبيل دينه
وانت شنو قدمت لدينك لطم ؟
دينك مامحتاج تطبير محتاج صلاة محتاج دعاء
الحسين مو محتاجلك تبجي اله الحسين بالجنه
نبينا وصانا بعدم لطم الخدود وشق الجيوب ولبس السواد وهذا حديث حسن
ووصانا بالصبر على المصيبة والدعاء
الحب شيء والجنون شيء ثاني
انا بكل فخر احب الحسين
وبكل فخر لا اشرك بربي وادعي من بشر او اتوسل ببشر مهما كان حتى لو النبي نفسه
لان اكو رب هو ربي وربك ورب الحسين والنبي الي يكول
ادعوني استجب لكم
حبو الحسين بس لاتنسون انفسكم
والله الحسين لا يرضى بهذا
الحسين يرضى بالصلاة بالدعاء بالقرأن بالصيام بالصبر بالكلمة الطيبة بالنصيحة
وكل شي بدعة من سيد فلان وسيد فلان فهو مسؤل عنها
كل مسلم يدعي حب ال البيت يا اما اقلد ال البيت والرسول بصبرهم وبصلاتهم وبغيرتهم على الدين والمنهج الصحيح
يا اما يتبع البدع من سيد فلان وفلان
اسأل الله العظيم رب العرش العظيم يهديكم ويهديني ويهدي كل مسلم ويعز الاسلام والمسلمين ويجمع كلمتهم
احبك ياحسين لانك حفيد النبي ولانك شهيد واني فرحان لان انت بالجنة بس حب اله معنى والبدع الها معنى ثاني

التعديل الأخير تم بواسطة هديل الروح ; 2011-12-09 الساعة 05:10 AM