الموضوع: جرح الوطن
عرض مشاركة واحدة
  #1  
قديم 2011-09-17, 01:35 AM
علي ناصريه علي ناصريه غير متواجد حالياً
:: سائح جديد ::
 




السلام عليكم ورحمة الله وبركاته
:t:غير كون اوصل النهايت الحرب ؟؟؟


عراقي آنا

انطيني من وقتك ثواني
ما أكلك آنا وآنا
شاعر من أهل العراق
عربي وأصلي عراقي
حجامي ومن نسل ذي قاري
لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته بالرأس
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي كوفي اعنان سمّاني
عراقي آنا
من زاخو لعد الفاو عنواني
دجله أمي وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آنا لبقلبي على الساني
آنه الما صرخت يوم أحاه
وعلى امتوني تكطع صوت سجاني
وأظن ما قصريت أوياه
أخويه الكان ينخاني
يِأَشِّر بيده من ابعيد
كدام الكوم يلكاني
عطش مره شلت نهر الفرات وجيت
وشفت دجله على الجولان يتناني
عراقي آنا
واليبيع سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدان
ومن نجد الى يمنٍ
الى مصر فتطوانِ
عراقي آنا
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي انا

وأفتحر بهويتي عراقي ورأسي عالي