عرض مشاركة واحدة
  #1  
قديم 2009-06-02, 06:17 AM
Marburger9 Marburger9 غير متواجد حالياً
موقوف
 



اللهجة العراقية *المجاملة*

بسم الله الرحمن الرحيم

جزيل الشكر للمساعدة. اليوم عندي شكم سوأل على موضوع المجاملة باللهجة العراقية. اني الي اعرفة بان سبب المجاملة هوة اكو فد شي يثير الانتباه. مثل لمن واحد كاشخ يجي واحد يكلة ها عمي شطالع اليوم تخبل. لو لمن الوحد يزور فد صديق لو عرف ويشوف جهال ابو البيت: يكولة حتلو ما جانو حلوين. عيني ماشاء الله شلون جهال يخبلون. يعني من باب المجاملة. ها عندي شكم موضوع الي يمكن ان يكونن من مسببات المجاملة. محتاج بس مساعدتكم بالعبارات العامية الي الواحد يكولهن بهاية المواقف اذا ما تصير زحمة. واني جداً ممنون.

1. المضهر الخارجي للشخص (يعني لمن الواحد كاشخ لو الوحدة كاشخة. لو متمكيجة لو مسرحة شعرهة لو الواحد مزين الخ....)

2. لمن الواحد جان مسلوَع يعني ضعيف وبعدين تعدلت امورة وربرب يعني سمن شوية. لو واحد جان كلش سمين وبعدين كدر ينزل من وزنة....)

3. لمن واحد يزور لة فد صديق لو عرف بيتة. ويشوف البيت حلو يثير الانتباه هم لازم يذبلة فد حجاية حلوة مثلا يبدي اعجابة بالبيت الخ.....

4. لمن واحد عرف لو كرايب طك وشترالة سيارة يجي الواحد اول شي يباركلة يكلة عل خير لو شايف كل الخير الخ... بعدين يبدي اعجابة بالسيارة الجديدة هاي العبارة الي اريدهة بلية زحمة...

5. لمن الوحد معزوم على عشا لو غدا لازم يذبلة فد حجاية ورا الاكل حتلو الاكل ما جان طيب. يعني فد حجاية حلوة على الي طبخ الاكل لو على الاكل نفسة يعني من باب المجاملة....


عندي بس بعد طلب زعيروني. اذا ماتصير زحمة اذا جان اكو بعد مواظيع او مواقف الي الواحد يجامل بيهة اني ما اعرفهة يعني غير ذني. كلولي عليهة والله تسولي فضل. جزيل الشكر
للمساعدة