عرض مشاركة واحدة
  #1  
قديم 2009-05-29, 08:10 AM
Marburger9 Marburger9 غير متواجد حالياً
موقوف
 



اللهجة العراقية *الطلب*

الله يساعدهم شباب. ان شاء الله بخير. اليوم محتاج مساعدتكم بموضوع الطلب باللهجة العراقية العامية. يعني شلون الواحد يطلبلة حاجة. ياخذ رخصة. يصخرلة واحد حتى يروح يجيبلة فد حاجة من السوك الخ.... طبعاً مثل ماتعرفون اكو اختلاف بصيغة الطلب. من الواحد يطلبلة حا جة من واحد عرف عندة ميانة ويا ولمن الواحد يطلبلة حاجة من واحد غريب ما عندة ميانة ويا. بهالخصوص محتاج من عدكم بس العبارات الي الواحد يومية يكولهة. راح اكتبلكم المواضيع. وانتو بس اكتبولي العبارة بلية زحمة عليكم. والله تسولي فضل وان شاء الله ما تقصرون. واذا اكو اكثر من عبارة بالموقف الواحد هم اكتبوهة واني الممنون.

*يعني الطلب مرة من واحد عرف ومرة من واحد مو عرف يعني ماعندة ميانة ويا*


1 شيكول الواحد من يريد يطلب كلاص مي؟
2 شيكول الواحد لمن يريد يداين شكم فلس؟
3 يريد يطلب الموبايل حتى يخابر؟
4 لمن واحد يطلب نار (جداحة)
5 لمن واحد يطلب لة جكارة؟
6 لمن واحد يريد يصرف ابو الخمسوعشرين؟
7لمن الواحد يريد ينزل من الباص شيكول لهذا الكاعد يمة حتى يوخر؟
8لمن الواحد يريد يطلع من بين مجموعة من الناس شيكول حتي يسولة طريق؟ حتى يوخرون من الدرب؟
9واحد جاي يحجي والثاني ما سمع هذا شكال. شلون يطلب الثاني من هذا الي جاي يسولف يعيد الي كلامة؟
10 لمن الواحد جاي يحجي والثاني يقاطعة. بس الاول يريد يكمل سالفتة. شيكول الاول للثاني. يعني شلون يكلة خلي اكمل سالفتي؟
11 لمن الواحد يريد يطلب من الثان يجيبلة حاجة ويا من السوك؟
12 لمن الواحد يطلب من الثاني ينتظر شوية لو دقيقة


والله تسولي فضل اذا تساعدوني بيهن. يعني هل تكدرون علية. هنة صدك هواية اسئلة. بس الجواب لو جلمة لو جلمتين واني الممنون. والف شكر للمساعد. وان شاء الله هم ما تقصرون.