عرض مشاركة واحدة
  #1  
قديم 2009-04-22, 05:28 PM
مهند البغدادي مهند البغدادي غير متواجد حالياً
:: سائح جديد ::
 



قصيدة تداوي الجروح

بسم الله الرحمن الرحيم


الى الشهداء الذين سقطوا من النساء و الرجال و الاطفال


الى الدماء التي سالت عبثا


الى كل جريح لازال راقد في المستشفى


الى أهالي سوق ابو غريب


الى أهالي الضحايا الثكلى أهدي لهم هذه الكلمات


يا ناس شنهو إلي جرة حزام الناسف من فجرة ؟


يا ناس شنهو إلي جرة بالسوك صارت مجزرة


نسوان ماتت و الزلم و أطفال جملة منثرة


كلشي اختلط ما تنعرف منهو الباع ومنهو اشترة


ما أعترض أدري قدر أمر الله هذا مقدرة


لكن يظل سر ٍ خفي وأحتاج منهو يفسرة


خطار مجبل بالخفة منهو العلم بيه ودرة


لو سرنة سر كركور لو كهوة من عدهة سرة


حيل أعتذر خافن بدر بالمعنى جملة مكسرة


ياناس حكي أحترك واشبع قهر علٌي جرة


ألصار مو هين بشع جداً مقزز منظرة


أشلاء بالسوك انرمت وبكل مكان مبعثرة


السوك مصدر للرزق ينكلب لحظة مكَبرة


ياناس طالب يشتغل ما عندة مبلغ دفترة


محتاج مصروف لهلة ومنهة القلم و المسطرة


عبد و اخوه استشهدوا كصاب عندة مجزرة


وحنون لاعب منتخب دفاع وماتخطيه كرة


وعندك سلام ألٌي أنكتل كتلتٌه ناس مسيرة


حيدر مراسل هم صهيب ما شاف كل الصورة


أدري بالناس المغرضة وادري شكثر مستهترة


وأدري البشر جداً تعب وأكثر بعد مستهترة


لكن بلدنة وللابد مانرضه واشي يدمره


يا ناس خل نمشي وبعد مريد نرجع ليوره


خل نتحد كافي بعد ياناس كافي جرجرة


هذا الامر مو بس ألي للوادم إلي مجمهرة


ولينتكس مو منٌه لا نرحمه ولانعذره


هذا البلد هذا الوطن أجمل و أحلى جوهرة


هذا العراق المحتسب سبحان ربي ألي صورة



مع تحيات


الشاعر صاحب القصيدة


(ابوعبدالله العلواني)



مهندالبغدادي


التعديل الأخير تم بواسطة مهند البغدادي ; 2009-04-22 الساعة 05:32 PM سبب آخر: حجم الخط