الموضوع: جروح الشعر
عرض مشاركة واحدة
  #1  
قديم 2010-05-22, 05:44 AM
الامير الدليمي الامير الدليمي غير متواجد حالياً
:: سائح نشيط ::
 



جروح الشعر

بعد ما اجيب جرحي اتروفه اليه اردود
انا استجمعت حيلي وبالصبر رفته

امر وتشوفني شلونه الوكت وياي
ما مهموم واضحك والحزن عفته

ما خليتلك خيط امل تترجاه
كفض حته الخيال من الجفن شلته

وضعف روحي بديه جريت امثل بيه
كدام الي ضدك للصلب كدته

من تشوفي تعرفني لا والله
مو ذاك الغشيم ال من كبل شفته

كبالك غير واحد بيه شبه من ذاك
مايشبه هذاك الي بيه جرح عفته

مرة التجربه المريت بيه وياك
مرة وعلمتني وحنضلك ضكته

ولو خسران بس الله ايعوض الراح
حب راح بعشرتك وانته بوكته

عفتك دونما تسمعلي وقع اقدام
ما تحجي الشموع وينطفن سكته

عرض كدامي ضلي وعطلت ممشاي
حاجيته ونصحته ومن رفض دسته

وظل حلمك بعيني عل الجفن مطروح
جذاب االيكلك من رحته جسته

ولأن ما ردت منك شي يظل تذكار
ماردته بحياتي وعل الخلك سمته

منو ياخذ حلم من ينطي زايد بيه
حلم كلش جديد وما استعملته


ابيعه الغير واحد مثل ماسويت
وياي وحنينك للغرب بعته

مثل سجينتك راح انسحب بهداي
حته اترك حياتك واطلع بسكته

بلا ما تشعر ويكسرني قرار الشوك
وارجعلك واكول اتسرعت خذته

ردت ينباك جرحي ورصعت بيه ناس
ردت اروي الحرامي ومن رفض لمته

انا الطير النزل للطعم من حطيت
روحك للضحيه ومن نزل صدته

ترك لجلك سمه وراويته المجازات
من كصيت جنحه وللقفص جبته

عفتني وي الجكارة اثنينه امورثين
محد طفه الاخر وانطفيت انته

كبل كم اجيلك مشتري وما ابيع
واسمع صوت روحي ادكلي عاذرته

وانكثلك اسراري بحضن لحظه شوك
بس تالي الكه سري الناس سامعته

جنت مثل الهوة موتي بصفنتي يصير
يحييني اليكلي الشاده بشفته

واحلف كارهك واكتشف يطلع شوك
من ضمن السوالف والحجي الكلته

ردت جم مرة اطلعك كلبي ما بيه باب
دورته عله كيفي وكل كتر درته

واتعلمت كلشي في سبيل انساك
بس فراك وجهك ما تعلمته

هسه بسد خريفك حطبت ذكراك
خاف يرد خضارك وانتشي بجيته

بعد ما اريدك اضل خيط اجلب بيه
وابقه متاني جفك يفزع ايعته

اتعوف الدفن حبك مثل سر بالراس
وتركض عل اليحطك راس سالفته

يل المهدور حبك مني كون تشيل
لا تفتر بروحي وثاري ما خذته

انه من اوميتلك مو من الم طعنات
لا بس ردت اكلك كلبي مالحته

ما ينخدع كلبي بدمعتين ارخاص
تتلطخ بدمه وتقره فاتحته

عال الجف لو وكت الزعل ينباس
عكس الجف هذاك البصلح بسته


التوقيع

www.malaysia29.com